Քաղցկեղը կարող է զարգանալ ցանկացած տարիքում, բայց տարիքի հետ քաղցկեղի զարգացման հավանականությունը բարձրանում է:Դա պայմանավորված է նրանով, որ մեր բջիջները ժամանակի ընթացքում վնասվում եմ: Այս վնասը տարիքի հետ կարող է կուտակվել և երբեմն կարող է հանգեցնել քաղցկեղի:Սակայն ներկա հետազոտությունների շնորհիվ բուժման ելքը բարեհաջող է դարձել : 

Համաձայն վերջին վիճակագրական տվյալների՝ քաղցկեղի ախտորոշման միջին տարիքը 66 տարեկանն է:Նմանատիպ օրինաչափություն նկատվում է քաղցկեղի շատ տարածված տեսակների համար: Օրինակ, ախտորոշման միջին տարիքը կրծքագեղձի քաղցկեղի դեպքում 62 տարեկանն է, կոլոռեկտալ քաղցկեղի դեպքում՝ 67, թոքերի քաղցկեղի դեպքում՝ 71 տարեկանը և շագանակագեղձի քաղցկեղի դեպքում՝ 66 տարեկանը,իսկ ոսկրային քաղցկեղի տեսակներ կան որոնք առավել հաճախ ախտորոշվում է երեխաների և դեռահասների մոտ:

Անկախ Ձեր տարիքից, Ձեր ամենօրյա ռեժիմում փոքր փոփոխություններ կատարելը կարող է օգնել նվազեցնել զարգացման ռիսկը:

Քաղցկեղի վաղ հայտնաբերումը կարևոր է.

Հիշեք, որ քաղցկեղը վաղ հայտնաբերելը նշանակում է, որ բուժումն ավելի հավանական է, որ հաջող կլինի:

Եթե ​​ինչ-որ գանգատներ ունեք, խոսեք ձեր բժշկի հետ և մի սպասեք, մինչև այն վատանա: Եվ մի կարծեք, որ անսովոր փոփոխությունները պայմանավորված են «պարզապես ծերանալու» կամ ձեր հնարավոր այլ առողջական խնդիրների հետ:

Ինչու՞ է քաղցկեղի ռիսկը մեծանում տարիքի հետ.

Քաղցկեղի առաջացումը բջիջների ծերացումից բացի պայմանավորված է նաև արտաքին գործոններով, ինչպիսիք են ծխախոտի ծուխը, քիմիական նյութերը կամ արևի ուլտրամանուշակագույն ճառագայթները:

Ծխելը դադարեցնելը, ավելորդ քաշից ազատվելը, առողջ սննդակարգը, արևից խուսափելը, քիչ ալկոհոլ օգտագործելը և ակտիվ մնալը կարող են օգնել նվազեցնել քաղցկեղի առաջացման վտանգը: